<center> <img class="size-medium wp-image-158" src="http://mitapeng.com/wp-content/uploads/2018/07/camera720_1530796156669-300x218.jpg" alt="" width="300" height="218" /><br/> Asai Gamba bak Almanak</center>
Malamyo Tuwanku calitra bacut masalah tantra. Na neuteupu pu nyan tantra? Tantra nakeuh teuntra atawa pasokan. Tantra nyan saboh pasokan nyang na sanjata ngon alat prang.
<!--more-->
Mandum nanggroe na tantra. Hana nanggroe yang hana tantra. Awak tantra nyan keuh nyang peutheun nanggroe meunyo ditamong musoh dari luwa. Meunyo hana tantra lam nanggroe, maka phak luyaklah nanggroenyan.
Jadi geutanyo mandum memang meuhajat that keu tantra nak na so bila nanggroe.
Awak tantra nakeuh pasokan nyang akan meuprang lawan musoh. Awaknyan na dibi peukakah prang le nanggroe. Awaknyan dibi gaji le nanggroe. Maka togah awaknyan nakeuh bila nanggroe.
Tantra nyan na lhe macam. Pertama phoen tantra darat. Nyan awaknyan togah jih dipeu aman darat. Nyan ubena darat nyang na lam nanggroe tanggong jaweub awaknyan untok peutheun bek sampo direupah le musoh.
Nyang kedua nyan tantra laot. Togah tantra laot nakeuh peu aman laot. Nyan ubena eungkot lam laot di nanggroe tanggong jaweub awaknyan untok peu aman bek sampo dicue le awak luwa. Tantra laot geukheun sit ngon tantra ie, sabab awaknyan di maen lam ie. Pat nyang na ie na awaknyan.
Nyang keu lhe tantra langet. Togah tantra langet nakeuh dipeu aman langet lam nanggroe bek sampo ditamong kapai phoe awak luwa u langet lam nanggroe nyan. Awaknyan hana but laen, hana geuyu rame kameng atawa bi eumpeun manok. Togah awaknyan sipu sagai, jaga langet bek ditamong musoh liwat langet.
Nyang keu peut tantra atom. Nyo tantra nyo hana bude ngon peukakah prang. But jih nakeuh jak geurtak-geurtak ureung bak keude kupi. Teuman jino tantra modelnyo kahana le. Bak hihi ka punah.
<center> <img class="size-medium wp-image-159" src="http://mitapeng.com/wp-content/uploads/2018/07/camera720_1530796250457-300x195.jpg" alt="" width="300" height="195" /><br/> Asai Gamba bak Almanak</center>
Nyan. Puna nyang teumanyong lom? Kon kajeulaih mandum. Nyan meunyo ditanyeng bak ujian bek sampo hanjeut jaweub..
Kajeut meunan. Tabek dari Tuwanku Raja di Casablanca.<br /><center><hr/><em>Posted from my blog with <a href='https://wordpress.org/plugins/steempress/'>SteemPress</a> : http://mitapeng.com/tantra/</em><hr/></center>