## Magandang Buhay sa ating lahat!!!

<div class="text-justify">

Isang bagong araw para sa akin na aking ipinagpasalamat sa Dios at ang aking hiling ay tayong lahat ay nasa maganda at mapayapang kalagayan sa lahat nang panahon.

Sisimulan ko na naman ang aking Diary Game para sa ngayong Season 3 upang maibahi ko sa lahat ang mga pang araw araw na ginagawa ko na maaaring makapag bigay nang inspirasyon sa ating lahat.

Ngayong araw nga na ito ay marami akong nagawa at ito ay siyang aking ibabahagi sa inyo.

![20201128_153804.jpg](https://cdn.steemitimages.com/DQmcCKUtGzyKj7bQVPPywbhVqFfGJYCZxbUBkJiDBaowcok/20201128_153804.jpg)

Ngayong araw nga ay maaga akong nagising, siguro nasa mga 5:00 nang umaga upang makapag luto nang aming agahan na siya rin nang karaniwang ginagawa ko sa araw-araw.

Mga nasa oras na 7:00 nang umaga ay ginawa ko naman ang iba ko pang mga gawain bago ko ginawa ang pagtatanim nang mga halaman na sa totoo lang ay ang aking ina talaga ang siyang may hilig nito, subalit dahil meron pa siyang ginagawa ay ako nalang muna.

![IMG_20201128_095222.jpg](https://cdn.steemitimages.com/DQmdkLARNSLwCsoE5tywMGrJVF1zA9UMpbHBigXEcwZpeCm/IMG_20201128_095222.jpg)

Ang una kong ginawa ay nag tanim ako nang mga bagong halaman, pan dagdag sa mga halaman na naitanim na nang aking ina. Hindi naman gaanong marami ang mga naitanim ko sa araw na ito kasi itinuloy ko lang ang nasimulan nang aking ina.

Narito pa ang ilan sa mga natanim ko kasama na rin ang na tanim nang aking ina.

![IMG_20201128_095234.jpg](https://cdn.steemitimages.com/DQmWkYn6181S2dJa4hBCYax6rHm4S8keHGZCtLXEJRU3tYK/IMG_20201128_095234.jpg)

------

![IMG_20201128_095200.jpg](https://cdn.steemitimages.com/DQmdnuproQSkETNcxqE7odJgabjLeJ1Tx4wSTabWbZfvvE8/IMG_20201128_095200.jpg)

Noong tinignan ko ang mga halaman ay napangiti nalang ako kasi alam ko na siguro makalipas ang mga ilang linggo o buwan ay tutubo na rin ang mga ito tulad nang mga naunang natanim na nang aking ina. Sa tuwing nakikita ko ang mga tumubo nang mga halaman ay talagang nakakagaan nang pakiramdam. 

Pagkatapos kong mag tanim nang mga halaman ay ang sunod na ginawa ko ay ang paggawa nang patongan nang mga hanging plants nang aking ina upang mas maganda itong tignan at para na rin makita ito nang araw at mas lalo pang tumubo nang maganda.

![IMG_20201128_095242~2.jpg](https://cdn.steemitimages.com/DQmPh91esuTyvJgJcEpbt2hnTmgQR1oq69NQfkjRDpxEFpT/IMG_20201128_095242~2.jpg)

Ito nga ilan sa mga hanging plants nang aking ina at ang pinaglagyan nang tanim ay ako ang siyang gumawa pero ang nag tanim ay ang aking ina. Ating makikita na tumubo na nga ang mga halaman na tinanim nang aking ina kaya minabuti ko na gumawa nang pagsabitan nito upang ito nga ay tumubo nang mabuti at mas maganda.

Sa kabuoan ay medyo marami na din ang mga natanim na halaman at bulaklak nang aking ina at ito ang ilang sa mga ito.

![IMG_20201128_095258.jpg](https://cdn.steemitimages.com/DQmUTupKA8pobssVdRif1rdM9hm9sJ6fgiQxFHMVxf3uwe2/IMG_20201128_095258.jpg)

------

![IMG_20201128_095306.jpg](https://cdn.steemitimages.com/DQmVCRmVc4cUbE551CfUdvEub88EGcZM7aczXh3o4vdU75g/IMG_20201128_095306.jpg)

Sa ngayon, patuloy pa rin ang aking ina sa pag kolekta nang mga halaman at bulaklak na pweding itanim at paramihin at siguro darating din ang panahon na kapag ito ay dadami at yayabong nang husto, maaari na rin namin itong ipagbili sa iba dahil nga sa marami din ang naghahanap at nagtatanim nang halaman sa panahon ngayon.

Ngayon, hintayin ko muna siguro ang mga dalawa o isang linggo, siguro ay tumubo na ang mga bagong tanim ko at yomabong na ang ibang mga tanim na ang aking ina ang nag tanim.

At ito lamang ang aking maibabahaging #thediarygame para sa inyong lahat sa araw na ito at hanggang sa susunod na araw uli, paalam.

### Para sa Dios ang lahat nang Pasasalamat at Papuri.

Maraming salamat kay @steemitblog, @steemcurator01, @steemcurator08 at sa lahat nang Team Steemit para sa pag gawa nang pa challenge na ito at nawa'y kayo ay magpatuloy.
</div>